याम शर्मा /सुर्खेत – जाजरकोटमा केन्दबिन्दु भएर गएको बिनासकारी भूकम्पमापरि १सय ५७ जनाको ज्यान गएको छ । संगसंगै हजारौं पशुपन्छी र मौरीपालनमा समेत असरपरेको छ । सैयौं पशुपंक्षी घाइते र मरेका छन । यसैलाई मध्यनगर गर्दै कृषि तथा पशुपन्छी विकास मन्त्रालयको निर्देशनमा औषधी र भ्याक्सिन लिएर सुर्खेतबाट दुई वटा टोली घट्नास्तलतर्फ पठाइएको छ ।
डा लक्ष्मीनारायण दास, देवीराम कंडेल तथा डा राकेस प्रजापतिको संयोजकत्वमा जाजरकोट र रुकुमपश्चिममा टोली परिचालन गरिएको छ । कर्णाली र लुम्बिनीका कृषि सचिवहरुलाई समेत घट्नास्थलतर्फ टोली पठाएर समन्वय र सहयोग गर्न अनुरोध गरिएको सचिव पौडेलले जानकारी दिए । सचिव पौडेलकाअनुसार क्षति पुगेका स्थानमा पशुपन्छीहरुको उद्धारकालागि आवश्यक सहयोग र सहकार्यका लागी प्रदेश र स्थानिय तहसंग समेत समन्यव भइरहेको छ ।
भूकम्पबाट क्षति भएको क्षेत्रमा रहने अधिकांस वासिन्दाहरु कृषिमा आवद्ध परिवार रहेका छन् । उनीहरुको मूख्य पेसा भनेकै कृषि हो । पशुधनको क्षतिबारे भने अहिलेसम्म कुनै तथ्यांक संकलन नभएको पशुपंक्षी बिकस निर्देशनालय कर्णाली प्रदेशका प्रमुख कृष्णप्रसाद पंगेनीले बताए ।
भूकम्पमा जाजरकोट को पशु अस्पताल तथा पशु सेवा कार्यलयको भवन समेत भत्किएको छ । के कती पशुको क्षेती भएको छ त्यो बिवरण भने केही दिनमा आउने पशु अस्पताल तथा पशु सेवा कार्यलयले जनाएको छ । रातीको समयमा भुकम्प गएकाले पशुधनको पनि ठूलो संख्यामा क्षेती भएको हुनसक्ने आकलन गरियको छ ।
पशु विभागबाट समेत घाइते पशुको उपाचारकानिम्ति औषधीसहितको टोली घट्नास्थलतर्फ पठाउने भएको छ । औषधी र भ्याक्सिनसहितको टोली जाजरकोट र रुकुम तर्फ पठाइने पशु विभागका महानिर्देशक डा उमेस दाहालले जानकारी दिए । यसअघि पनि दुई बरिष्ठ पशु चिकित्सकको टोलीलाई औषधी र भ्याक्सिनसहित पठाइ सकिएको छ । थप उपाचारकालागि आवश्यक परे थप टोली र औषधी लिएर पठाईने दाहालले जानकारी दिए ।
समृद्धि कृषि । २० कार्तिक २०८०, सोमबार ०९:०४